საქართველოს პრემიერ-მინისტრი ბიძინა ივანიშვილი ქვეყნის მოსახლეობას და მის მხარდამჭერებს 27 ოქტომბრის საპრეზიდენტო არჩევნებზე მისვლისკენ და საკუთარი პოზიციის დაფქსირებისკენ მოუწოდებს.
ივანიშვილის თქმით, განსახვავებით წინა პერიოდისგან, იგი სხვადასხვა წინასაარჩევნო შეხვედრებზე ხალხს არ ეპატიჟება, რადგან კონკრეტულ ადგილებზე მოსახლეობა ყოველგვარი ზედმეტი მოწოდებების გარეშე მიდის, თუმცა მთავარია ყველა მათგანმა საკუთარი არჩევანი საარჩევნო ბიულეტენში დააფიქსიროს.
"არჩევნებზე აუცილებლად მოდით, მოდით ისინი, ვისაც გჯერათ ჩვენი, რომ მეც, მთავრობაც და მთელი გუნდი დარწმუნებული ვიყოთ, რომ თქვენ გჯერათ და მხარს გვიჭერთ. სხვანაირად ძალიან გაჭირდება. ძალიან გთხოვთ, რომ ყველანი მოდით. არ მოხვლათ თქვენ - "ნაციონალების" მხარდამჭერები აუცილებლად მოვლენ, ეს ისეთი ხალხია, ისეთი ნაწილი. მე მესმის ამ ნაწილის საზოგადოებისაც და გაგებით ვეკიდები. მე იმასაც ვეკიდები გაგებით, რომ ნათელაშვილსაც ჰყავს 1 თუ 2 % მხარდამჭერების და 20 წელია საზოგადოებას ატყუებს და მაინც დარჩა ხალხი. მე იმათთვისაც ვიღწვი,"- განაცხადა ბიძინა ივანიშვილმა.
