"ნათელაშვილი, რომელიც 20 წელიწადია გვატყუებს, მასხარა გახდა ეს კაცი და დღეს კიდევ მხარდაჭერის ეს პროცენტები აქვს, რა თქმა უნდა ეს პრობლემაა საზოგადოების,"- ამის შესახებ საქართველოს პრემიერ-მინისტრმა ბიძინა ივანიშვილმა ცენტრალური რადიოსადგურების და ბეჭდური გამოცემების წარმომადგენლებთან შეხვედრისას ისაუბრა.
პრემიერ-მინისტრის თქმით, შალვა ნათელაშვილს არ აქვს იდეოლოგია და ის დღესაც ანაბრებს ჰპირდება საზოგადოებას, რომელიც საბჭოთა კავშირის დროს დაკარგეს და ასეთ უმეცარ სიცრუეებზე უნდა საზოგადოება აცხოვროს.
"ოდესღაც 20 და 30% ჰქონდა მას მხარდაჭერა და მცირე ნაწილი დარჩა, ესეც კარგია. განვვითარდით ჩვენ. "ნაციონალური მოძრაობა" კიდევ ცალკე საანალიზოა. მათი 12-14 % რომ გავყოთ, ნახეარი პრივილეგირებული იყო და ახლაც უნდათ პრივილეგიები დაიბრუნონ და მეორე ნაწილი იდეოლოგიით ახერხებდნენ, რომ ეჩვენებინათ, რომ სააკაშვილია ერთადერთი კაცი, ვინც შეიძლება საქართველოს გამოადგეს. მათ შორის არიან ახალგაზრდებიც სამწუხაროდ,"- განაცხადა ბიძინა ივანიშვილმა.