"გიორგი თარგამაძეს აქვს 1 თუ 2 % მხარდაჭერის, ამ კაცს მუდმივად ეჭირა პოზიცია ქვეყნის საწინააღმდეგოდ და მოღალატის ეტალონს გავს ეს კაცი ჩემს თვალში,"- ამის შესახებ საქართველოს პრემიერ-მინისტრმა ბიძინა ივანიშვილმა ცენტრალური რადიოსადგურების და ბეჭდური გამოცემების წარმომადგენლებთან შეხვედრისას ისაუბრა.
ივანიშვილის თქმით, გიორგი თარგამაძე ყოველთვის იქ იდგა, სადაც ქვეყანას არ სჭირდება და სახელმწიფოს საპრირისპირო პოზიცია ეჭირა.
"ამასაც კი 1-2% აქვს. ამ მოსახლეობასაც გაგებით ვეკიდები. მესმის, რომ ბევრს არ აქვს ანალიზის გაკეთების სწორი უნარი და ახერხებენ ხალხის შეცდომაში შეყვანას. არ იფიქროთ, რომ მე მხოლოდ ის იდეოლოგია მაქვს, რომ აუცლებლად მხოლოდ ჩვენ უნდა დაგვიჭირონ მხარი. ისეთი საზოგადოება უნდა მივიღოთ, სადაც იქნება იდეოლოგიური ბრძოლა, როდესაც პარტიებს აირჩევენ მათგან გაცხადებული პროგრამით, როდესაც თითოეულ პოლიტიკოსს ექნება კარგი წარმოდგენა, კარგი ანალიზის საშუალება და მაშინ გააკეთებენ არჩევნებს,"- განაცხადა ბიძინა ივანიშვილმა.
