,,გიორგი მარგველაშვილი ჩემს მიერ აშენებულ ბათუმის ხელოვნების ცენტრში ყვებოდა თუ როგორ ვანგრევდით საქართველოს", _განაცხადა საქართველოს პრეზიდენტმა მიხეილ სააკაშვილმა წუხელ, ევროპის მოედანზე მიუზიკლ "ვერის უბნის მელოდიებს" პრემიერაზე, რომელიც ერთი წლის წინ ციხის სკანდალური კადრების ავტორის ვლადიმერ ბედუკაძის მიერ გავრცელებული ვიდეოს გამო გადაიდო.
,,შარშან უფრო მეტი პრიორიტეტი მიენიჭა რეჟისორ ბედუკაძის მიერ დადგმულ ცოცხების კადრებს და ლამის ეს კაცი საქართველოს ,,ეროვნულ გმირად" გამოცხადდა. სამწუხაროა, რომ ამ პროცესებიდან გამომდინარე შეჩერდა რიყის პარკში თეატრის მშენებლობა, რომელიც მართლაც მსოფლიოს კლასისა და საქართველოს სიამაყე იქნება როცა დამთავრდება. იმედია, მის დანგრევას არავინ არ განიზრახავს. ბოლო წლებში თქვენ ნახეთ, რომ ბევრად ნაკლები კონცერტი იმართება და მინდა ვიკითხო ხალხი ბედნიერია იმით, რომ ეს ყველაფერი შეჩერდა? ხომ ამბობდნენ, ქვეყანა კონცერტებს გადააყოლეს და ახლა ჩვენ ფულს გადავანაწილებო, გადაუნაწილეს ეს ფული ხალხს? _განაცხადა მიხეილ სააკაშვილმა.
