საქართველოში ოფიციალური ვიზიტით ლიტვის რესპუბლიკის სეიმის თავმჯდომარე ლორეტა გრაუჟინიენე და ლიტვის პარლამენტის საგარეო საქმეთა კომიტეტის თავმჯდომარემ გერემიან სკირმა იმყოფებიან.
ვიზიტის ფარგლებში შეხვედრები გაიმართება პარლამენტის თავმჯდომარე დავით უსუფაშვილთან, რომელიც გახსნის კონფერენციას ,,საქართველო ვილინიუსის სამიტის წინ პარლამენტის როლი ევროინტეგრაციის პროცესში".
კონფერენციის ფარგლებში დავით უსუფაშვილი ლიტველ კოლეგასთან ერთად ერთობლივ კონფერენციასაც გამართავს.
საქართველოში ვიზიტის ფარგლებში ასევე დაგეგმილია შეხვედრა საქართველოს პრეზიდენტ მიხეილ სააკაშვილსა და პრემიერ-მინისტრ ბიძინა ივანიშვილთან.
,, ლიტვა ემზადება აღმოსავლეთ პარტნიორობის სამიტისთვის და საქართველო ერთ-ერთი მონაწილე ქვეყანაა. ჩვენი საპარლამენტო დელეგაცია სტუმრობს აღმოსავლეთ პარტნიორობის ყველა ქვეყანას უკრაინას, მოლდოვას, საქართველოს და სომხეთს. თუმცა სომხეთმა უკვე მიიღო გარკვეული გადაწყვეტილება. მიუხედავად ამისა, იქაც ჩავედით. ოკუპირებულ ტერიტორიებს რაც შეეხება იქ ვიზიტის შესახებ არაფერი ვიცი. ალბათ სრული დელეგაციით არ ჩავალთ. ვიზიტის ფარგლებში ვგეგმავთ შევხვდეთ პრეზიდენტსა და პრემიერ-მინისტრს, ასევე პარლამენტის თავმჯდომარეს", -განაცხადა ჟურნალისტებთან ლიტვის პარლამენტის საგარეო საქმეთა კომიტეტის თავმჯდომარემ გერემიან სკირმა.