"ერთიან ნაციონალურ მოძრაობას" ახალი პარტიული დროშა ექნება.
აღნიშნული სიახლე საქართველოს პრეზიდენტმა და "ნაციონალური მოძრაობის" ახლადარჩეულმა თავმჯდომარემ მიხეილ სააკაშვილმა სპორტის სასახლეში შეკრებილ მხარდამჭერებს დღეს გააცნო და მასზე ჯვრების ნაცლად გულის ფორმებია გამოსახული.
სააკაშვილის თქმით, 10 წლის წინ "ნაციონალური მოძრაობის" ხუთჯვრიანი დროშა ხალხმა ეროვნულ დროშად აიტაცა
"შეამჩინეთ ახალი დროშა. მინდა გითხრათ, რომ "ნაციონალური მოძრაობის" დროშა ერმა ეროვნულ დროშად აიტაცა. მე გთავაზობთ ახალ დროშას - ჯვრის გარშემო გაერთიანებულ სიყვარულის დროშას, აღმშენებლობის დროშას. ეს დროშა ნიშნავს შემდეგ რამეს - ეს არის ქრისტიანული ფასეულობების გარშემო გაერთიანება,"- განაცხადა მიხეილ სააკაშვილმა.
ცნობისთვის, თბილისში, სპორტის სასახლეში "ნაციონალური მოძრაობის" ყრილობა გაიმართა, რომელსაც დედაქალაქში მცხოვრებ პარტიის მხარდამჭერებთან ერთად, რეგიონებიდან ჩამოსული მოსახლეობაც დაესწრო.
.აღნიშნულ ყრილობაზე "ერთიანი ნაციონალური მოძრაობის" თავმჯდომარედ საქართველოს პრეზიდენტი მიხეილ სააკაშვილი აირჩიეს, გენერალურ მდივნად კი, პატიმრობაში მყოფი ყოფილი შინაგან საქმეთა და ექს-პრემიერ-მინისტრი ვანო მერაბიშვილი რჩება.
რაც შეეხება პარტიის ახლადდამტკიცებულ, 68 წევრიან პოლიტიკურ საბჭოს, მის თავმჯდომარედ დავით ბაქრაძე აირჩიეს.