საქართველოსა და მოლდოვას რესპუბლიკას შორის ევროინტეგრაციის საკითხებში თანამშრომლობის შესახებ შეთანხმება გაფორმდა. ერთობრივ განცხადებას ხელი საქართველოს საგარეო საქმეთა მინისტრმა მაია ფანჯიკიძემ და მოლდოვას რესპუბლიკის საგარეო საქმეთა მინისტრმა ნატალია გერმანმა მოაწერეს ხელი.
დოკუმენტი მიზნად ისახავს ორ ქვეყანას შორის უფრო ახლო თანამშრომლობის წახალისებას და ორივე ქვეყნის ევროინტეგრაციული მიზნების მიღწევის ხელშეწყობას.
ერთობრივ განცხადებას, მოლდოვას რესპუბლიკაში საგარეო საქმეთა მინისტრის ოფიციალური ვიზიტის ფარგლებში მოეწერა ხელი.
დღესვე, ოფიციალური ვიზიტის მიმდინარეობისას საქართველოს საგარეო უწყების ხელმძღვანელმა შეხვედრა გამართა მოლდოვას პრემიერ-მინისტრთან იურიე ლეანკასთან.
პრემიერთან შეხვედრისას მხარეებმა განიხილეს ორმხრივი და მრავალმხრივი ურთიერთობების მნიშვნელოვანი საკითხები, ისაუბრეს ორ ქვეყანას შორის არსებული სავაჭრო-ეკონომიკური ურთიერთობების განვითარებასა და გაღრმავებაზე.
მაია ფანჯიკიძე ასევე შეხვდა მოლდოვას რესპუბლიკის პრეზიდენტსა და პარლამენტის სპიკერს.