კომუნიკაციების ეროვნული კომისიის წევრს, ერთ ვაკანტურ თანამდებობაზე წარმოდგენილი, გიორგი ჭოლაძეს, თეიმურაზ ღოღობერიძისა და დავით თუთბერიძეს, პარლამენტში უმრვალესობამ მხარი არ დაუჭირა. პრეზიდენტის საპარლამენტო მდივნის ნინო კალანდაძის განცხადებით, საპარლამენტო უმრავლესობის ამგვარი ქმედება მისთვის მოსალოდნელი იყო, რადგან საპარლამენტო უმრავლესობას არ სურს თავისუფელი მედია და ცდილობს ზეგავლენა მოახდინოს მედიაზე.
„მედიაზე კონტროლის მოპოვების აქტიური მცდელობაა ხელისუფლების მხრიდან ის, რაც ხდება საზოგადოებრივ მაუწყებელთან და ასევე „რუსთავი 2"-თან მიმართებაში, რომელზეც ზეწოლის რამდენიმე ფაქტს ჰქონდა ადგილი. ამის ნათელი გამოვლენა იყო პრემიერის შეხვედრა ჟურნალისტებთან, სადაც მან დაგვანახა, რომ გულწრფელად სჯერა, ჟურნალისტებს შეიძლება ჭკუა ასწავლოს და მათ დავალებები მისცეს. უმრავლესობას არ ჰქონდა სურვილი მათგან დამოუკიდებელი კანდიდატისათვის მხარი დაეჭირა," - ამბობს ნინო კალანდაძე.
