"ჩვენი მთავარი ბერკეტი ის არის, რომ საერთაშორისო თანამეგობრობა მაქსიმალურად ინფორმირებული იმის შესახებ რაც ხდება ამ ხაზზე,"- ამის შესახებ რუსეთთან ურთიერთობის საკითხებში საქართველოს პრემიერ-მინისტრის სპეციალურმა წარმომადგენელმა ზურაბ აბაშიძემ ოკუპირებული ცხინვალის რეგიონის მიმდებარე სოფლებში - ხურვალეთში, დიცსა და დვანში არსებული მდგომარეობის შეფასებისას ისაუბრა.
"დღეს დიპკორპუსი თქითქმის სრულად აქ არის და პრაქტიკულად მთელი მსოფლიო ხედავს რაც ხდება აქ, მაქსუიმალურად უნდა ავამოქმედოთ საერთაშორისო ბერკეტები,"- განაცხადა ზურაბ აბაშიძემ.
ცნობისთვის, ოკუპირებული ცხინვალის რეგიონის მიმდებარე სოფლებში - ხურვალეთში, დიცსა და დვანში საქართველოს საგარეო საქმეთა მინისტრის მოადგილე დავით ზალკალიანი, რუსეთთან ურთიერთობის საკითხებში საქართველოს პრემიერ-მინისტრის სპეციალური წარმომადგენელი ზურაბ აბაშიძე და რეინტეგრაციის საკითხებში სახელმწიფო მინისტრის მოადგილე ქეთევან ციხელაშვილი დიმპლომატიური კორპუსის წარმომადგენელებთან ერთად იმყოფებოდნენ და ადგილზე არსებულ ვითარებას გაეცნნენ.
დიპლომატები ადგილობრივ მოსახლეობას შეხვდნენ და მათი ძირითადი პრობლემების და საჭიროებების შესახებ დეტალური ინფორმაცია მიიღეს. მათ ასევე კიდევ ერთხელ გასუსვეს ხაზი საქართველოს ტერიტორიული მთლიანობისადმი მხარდაჭერას და ადგილზე არსებული მავთულხლართების და ე.წ. სასაზღვრო ღობეების დემონტაჟის აუცილებლობაზე გაამახვილეს ყურადღება.