ხვალ, 3 ოქტომბერს, 12:00 საათზე, საქართველოს ტექნიკურ უნივერსიტეტში სამცხე-ჯავახეთის გზის რეაბილიტაციის პროექტთან დაკავშირებული სესია გაიმართება. წარმოდგენილი იქნება მეთოდოლოგია, რომლის საშუალებითაც განხორციელდა პროექტის ეფექტურობის შეფასება და შედეგები.
"ათასწლეულის გამოწვევა საქართველოსთვის" კორპორაციის სამცხე-ჯავახეთის გზის რეაბილიტაციის პროექტი ითვალისწინებს სამცხე-ჯავახეთის გზის რეაბილიტაციას (დაახლოებით 220 კმ სამხრეთ საქართველოში). აღნიშნულ პროექტთან დაკავშირებით, საქართველოში იმყოფება NORC ჯგუფი (ჩიკაგოს უნივერსიტეტი, აშშ), რომელიც სოციალურ მეცნიერებათა კვლევის ამერიკულ ორგანიზაციას წარმოადგენს და რომელიც პროექტის ფარგლებში კონტრაქტით მუშაობდა სათანადო აქტივობების ეფექტურობის შესაფასებლად.
NORC ჯგუფმა დაასრულა შეფასებითი სამუშაო და ამჟამად თბილისში იმყოფება შესაბამისი შედეგების წარმოდგენის მიზნით.
