წელს საქართველომ 13 593,2 ტონა თურქეთიდან შემოტანილი პომიდორი მოიხმარა. როგორც „საქსტატის" მოწოდებულ ინფორმაციაშია აღნიშნული, 2013 წლის იანვარ-აგვისტოში საქართველოში იმპორტირებულია 13 663,7 ტონა პომიდორი, მაშინ როდესაც იანვარ-აგვისტოში საქართველოდან ექსპორტირებულია 1 356 ტონა პომიდორი.
სტატისტიკური ინფორმაციის მიხედვით, ყველაზე დიდი რაოდენობით პომიდორი, საუბარია 13 593,2 ტონაზე, თურქეთიდან შემოვიდა. თურქეთისგან განსხვავებით, საკმაოდ მცირე რაოდენობის პომიდორის იმპორტი განხორციელდა სომხეთიდან ( 47,7 ტონა) და ირანიდან ( 22,8 ტონა).
რაც შეეხება ექსპორტს, ქართული პომიდორისთვის ყველაზე მსხვილი საექსპორტო ბაზარი აზერბაიჯანია. სტატისტიკური ინფორმაციის მიხედვით, 2013 წლის იანვარ-აგვისტოში აზერბაიჯანში ექსპორტირებულია 1 336,3 ტონა პომიდორი. ირკვევა, რომ წელს აზერბაიჯანის გარდა პომიდორის ექსპორტი მომხდარა ყაზახეთში, სადაც 8 თვის განმავლობაში გატანილია 19,7 ტონა პომიდორი.
„საქსტატის" ინფორმაციით, 2013 წელს პომიდორის იმპორტი გაცილებით ნაკლები ქვეყნებიდან განხორციელდა, ვიდრე ეს 2012 წელს დაფიქსირდა. 2012 წელს საქართველოში პომიდორი შემოტანილი ასევე აზერბაიჯანიდან (46,1 ტონა), იტალიიდან (6,4 ტონა), აშშ-დან (3,5 ტონა) და სხვა ქვეყნებიდან (0,1 ტონა). აღსანიშნავია, რომ 2011 წელს საქართველოში პომიდორის იმპორტო სირიიდანაც კი ხორციელდებოდა.
2013 წლის იანვარ-აგვისტოში საქართველოში ექსპორტირებულია 813 ათასი დოლარის ღირეებულების პომიდორი, ხოლო იმავე პერიოდში ქვეყანაში იმპორტირებულია 8 379,9 ათასი დოლარის ღირებულების პომიდორი.
