ევროკავშირის საბჭოს პოლიტიკური და უსაფრთხოების კომიტეტის წევრი ელჩები საქართველოში ოფიციალური ვიზიტით იმყოფებიან.
ვიზიტის ფარგლებში დაგეგმილია აღმასრულებელ და საკანონმდებლო ხელისუფლების წარმომადგენლებთან შეხვედრა.
შეხვედრაზე მხარეები განიხილავენ საქართველოსა და ევროკავშირს შორის თანამშრომლობის გაღრმავების პერსპექტივებს, ქვეყანაში მიმდინარე პროცესებსა და დაგეგმილ ვილნიუსის სამიტს.
,,თბილისში ევროკავშირის რამდენიმე ელჩია ჩამოსული, რომლებიც უსაფრთხოებისა და საგარეო ურთიერთობის მიმართულებით მუშაობენ. ისინი პრემიერ-მინისტრს, პრეზიდენტს, საგარეო საქმეთა მინისტრის, რეინტეგრაციის მინისტრსა და პარლამენტის წევრებს შეხვდებიან. ვიზიტის ძირითადი თემა ვილნიუსის სამიტია, რომელიც ორ თვეში გაიმართება", _ განაცხადა ჟურნალისტებთან საქართველოში ევროკავშირის წარმომადგენლობის ხელმძღვანელის მოადგილემ ბორის იაროშევიჩმა.