თბილისის იუსტიციის სახლთან ID ბარათის აკრძალვის მოთხოვნით აქცია სახელწოდებით - „ID ბარათის აღებას სიკვდილი მირჩევნია" მიმდინარეობს.
ადგილზე შეკრებილი რამდენიმე ათეული მოქალაქე საქართველოს იუსტიციის მინისტრს თეა წულუკიანს მიმართავს და უწყებისგან ID ბარათების დამზადების აკრძალვას მოითხოვს.
ამასთან, მომიტინგეები ID ბარათის იძულებით გაცემის წესის შეჩერებას ითხოვენ და ხელისუფლებას მოუწოდებენ, უკიდურეს შემთხვევაში ID ბარათის აღება ნებაყოფლობითი იყოს.
იუსტიციის სახლთან მიმდინარე საპროტესტო აქციას სასულიერო პირები და „სახალხო მართლმადიდებლური მოძრაობის" საპრეზიდენტო კანდიდატი ლევან ჩიჩუაც ესწრებიან.
