ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ალექსი პეტრიაშვილი ამერიკის საელჩოს ინიციატივით გამართულ სიმპოზიუმზე სიტყვით გამოვიდა.
შეხვედრაზე სამხედრო და ორმაგი დანიშნულების პროდუქციის კონტროლის სფეროში ევროკავშირთან თანამშრომლობის საკითხები განიხილეს, კერძოდ, იმსჯელეს საქართველოს თავდაცვის სამინისტროს, ქართველი, ევროპელი და ამერიკელი ექსპერტების მიერ შემუშავებულ კანონპროექტზე, რომელიც ორმაგი დანიშნულების პროდუქციის ტრანპორტირებაზე კონტროლის გამკაცრებას შეეხება.
„მაშინ როდესაც ახლოვდება კანონმდებლობით ასოცირებისა და ევროკავშირთან თავისუფალი სავაჭრო სივრცის შესახებ ხელშეკრულებების ხელმოწერის დრო, ჩვენთვის ძალიან მნიშვნელოვანია, რომ საზღვარზე ორმაგი დანიშნულების პროდუქციაზე კონტროლი გამკაცრდეს. საუბარია ისეთი პროდუქციის მიმოსვლასა და გადააგილებაზე, რომელიც შესაძლებელია გამოყენებულ იქნას სხვადასხვა ტიპის იარაღის, მათ შორის, მასობრივი განადგურების იარაღის შესამუშავებლად. ასეთი ტიპის დასახელებები არის ძალიან ბევრი, ამიტომ ამას ჭირდება კონტროლი, კონტროლს ჭირდება კანონმდებლობა და ეს კანონმდებლობა შევიმუშავეთ"-განაცხადა ალექსი პეტრიაშვილმა.
კანონპროექტი ევროკავშირის ფინანსური ხელშეწყობითა და ამერიკის შეერთებული შტატების მთავრობის მხარდაჭრით იქნა შემუშავებული.
