საპარლამენტო უმცირესობის წევრები რუსეთთან ურთიერთობის საკითხებში პრემიერის წარმომადგენლის ზურაბ აბაშიძესთან შეხვედრით იმედგაცრუებულები არიან.
უმცირესობის წევრის აკაკი მინაშვილის თქმით, დეპუტატებს არც ერთ შეკითხვაზე აბაშიძისაგან პასუხი არ მიუღიათ. როგორც მინაშვილი ამბობს, ქვეყნის ხელისუფლება არ აპირებს საქართველოს ინტერესების დაცვას.
„აბაშიძე საუბრობს რუსეთთან კულტურული ურთიერთობისა და ვაჭრობის აღდგენაზე. რუსეთი ამას იყენებს დასავლეთთან სალაპარაკოდ, რომ საქართველოსა და რუსეთს შორის დიალოგი მიმდინარეობს და დასავლეთის ჩარევა საჭირო არ არის. ჩემთვის გაუგებარია რას ემსახურება ეს დიალოგი, როდესაც აქ საუბარი არ არის დევნილთა დაბრუნებაზე, დეოკუპაციაზე და აბაშიძე აცხადებს, რომ ეს საკითხები მოლაპარაკებების ფორმატში არ შედის," - ამბობს მინაშვილი.
შეგახსენებთ, რომ ზურაბ აბაშიძემ დეპუტატებს რუსეთის წარმომადგენელთან მიმდინარე მოლაპარაკების შედეგები გააცნო.
საპარლამენტო უმცირესობა რუსეთთან მიმართებაში საქართველოს პოლიტიკას აკრიტიკებს.