ვიზიტის დასასრულს პრეზიდენტობის კანდიდატმა რამდენიმე შეხვედრა მოაწყო ნიუიორკში, მათ შორის რამდენიმე შეხვედრა გამართა გაეროს მისიაში და ნიუ იორკში ქართული დიასპორის წარმომადგენლობასთან.
გაეროში საქართველოს ელჩმა კახა იმნაძემ და ნესტან კირთაძემ საუბარი გამართეს მომავალი გენ ანსამბლეაზე მოსალოდნელი რეზოლუციების შესახებ და სხვა უმნიშვენელოვანეს საკითხებზე, მათ შორის განიხილეს დიცის ბოლოდროინდელი მოვლენები და საერთასორისო რეაქცია საქართველოს განცხადებაზე ამ მტკივნეულ ფაქტთან დაკავშირებით.
ნესტან კირთაძემ გაეროში საქართველოს წარმომადგენლობას ზედმიწევნით გააცნო „ ქართულ-აფხაზური და ოსური საერთაშორისო მოძრაობის" ალტერნატიული სამშვიდობო პლატფორმა, მათ შორის მოსალოდნელი გეგმები გაეროსთან თანამშრომლობის შესახებ, სადაც უახლოეს მომავალში იგეგმება ნესტან კირთაძის შეხვედრები გაეროს უშიშროების საბჭოს წევრი ქვეყნების ელჩებთან და გაეროს გენერალურ მდივანთან.
ნიუ იორკში საქართველოს გენერალურ საკონსულოში კი შედგა ნესტან კირთაძის შეხვედრა დიასპორის წარმომადგენლებთან, რომელმაც ხანგრძლივი დროით და გულთბილ ვითარებაში ჩაიარა.
პრეზიდენტობის სახალხო კანდიდატმა უპასუხა დიასპორის მრავალრცხოვა შეკითხვებს და გააცნო მათ სამშობლოში მიმდინარე პროცესები.
„თქვენ მაქსიმალურად უნდა ჩაერთოთ სამშობლოში მიმდინარე პოლიტიკურ, ეკონომიკურ და კულტურულ პროცესებში. სამშობლოს ერთიანობის განცდა სწორედ თქვენგან უნდა დაიწყოს „- უთახრა ნესტან კირთაძემ დიასპორის წარმომადგენლებს და აღნიშნა, რომ ერთიანობის ეს გზავნილი უნდა გადაეცეს ქართულ ემიგრაციას მთელს მსოფლიოში.
შეხვედრის დასასრულს ნესტან კირთაძემ უპასუხა „ამერიკის ხმის" ჟურნალისტის მიერ დასმულ შეკითხვებს.
ნესტან კირთაძის შეხვედრები ნიუიორკში დასრულდა.
20 სექტემბერს პრეზიდენტის სახალხო კანდიდატი სამშობლოში გამოემგზავრა.