ხუდონჰესის პროექტის განხილვა აქციისა და დარბაზში ცხარე დებატების ფონზე მიმდინარეობს. სოფელ ხაისში ჰიდროელექტროსადგურის მშენებლობის მოწინააღმდეგეები სასტუმრო „მარიოტის" წინ შეიკრიბნენ.
მოსახლეობა ჰესის მშენებლობას კატეგორიულად ეწინააღმდეგება. დარბაზში სადაც ამ საკითხზე მსჯელობა მიმდინარეობდა რამდენიმე ინციდენტიც დაფიქსირდა. ინვესტორი კომპანია მოსახლეობასთან მოლაპარაკებებს გეგმავს.
„საყოველთაოდ ცნობილია და მეცნიერულად დამტკიცებული, რომ დიდი ჰესების მშენებლობა იწვევს კლიმატის მასშტაბურ ცვლილებებს და არა მხოლოდ ეკლესიების დატბორვას, სოფლების, სასაფლაოების, ძეგლების, ბუნებრივი მემკვიდრეობის დატბორვაზეა აქ საუბარი არამედ, მთელი სვანეთის კლიმატის ცვლილებაზე რის გამოც განადგურება ემუქრება კულტურულ და ბუნებრივ მემკვიდრეობას, რომელსაც მსოფლიო და ზოგადსაკაცობრიო მნიშვნელობა აქვს", _ აცხადებს უფლებადამცველი ლაშა ჩხარტიშვილი.
