აგვისტოში უძრავი ქონების სარეგისტრაციო ტრანზაქციათა რაოდენობა წინა წლის იმავე თვესთან შედარებით 10.4%-ით შემცირდა და ქვეყნის მასშტაბით 39 856 ერთეული შეადგინა. ა.წ. აგვისტო 2010-2013 წლების იმავე თვესთან შედარებით უპირატესი კლებით გამოირჩევა: 2010 წლის აგვისტოსთან (30 593 ერთეული სარეგისტრაციო ტრანზაქცია) შედარებით - ზრდა 30.3%-ით, 2011 წლის აგვისტოსთან (40 569 ერთეული სარეგისტრაციო ტრანზაქცია) შედარებით - კლება 1.8%-ით და 2012 წლის აგვისტოსთან (44 502 ერთეული სარეგისტრაციო ტრანზაქცია) შედარებით - კლება 10.4%-ით.
წინა თვესთან შედარებით სარეგისტრაციო ტრანზაქციების რაოდენობა 11.2%-ით შემცირდა: ზრდა დაფიქსირდა პირველადი (0.6%-ით), ხოლო კლება - მეორადი (13.7%-ით) სარეგისტრაციო ტრანზაქციების რაოდენობაში. 2013 წლის აგვისტოს თვეში სარეგისტრაციო ტრანზაქციების თვის ინდექსი (დეკემბერი 2010 =100) დაფიქსირდა 0.947 დონეზე, რაც ჩამორჩება წინა წლის იმავე თვის ინდექსს (1.058).
როგორც საჯარო რეესტრის ეროვნულ სააგენტოში განმარტავენ, აშკარაა, რომ წინა წლის იმავე თვესთან შედარებით შემცირდა უძრავი ქონების პირველადი (38.2%-ით), ხოლო გაიზარდა მეორადი (0.9%-ით) ტრანზაქციების რაოდენობა. 2013 წლის აგვისტოს თვეში პირველადი სარეგისტრაციო ტრანზაქციების რაოდენობამ - 7 952, ხოლო მეორადი სარეგისტრაციო ტრანზაქციების რაოდენობამ - 31 904 ერთეული შეადგინა; სარეგისტრაციო ტრანზაქციების თვის ინდექსი (დეკემბერი 2010=100) კი პირველადი და მეორადი სარეგისტრაციო ტრანზაქციების მიხედვით შესაბამისად 0.718 და 1.029 დონეებზე დაფიქსირდა.
რაც შეეხება პირველად და მეორად სარეგისტრაციო ტრანზაქციებს შორის თანაფარდობას, წინა წლის იმავე თვესთან შედარებით შემცირდა პირველადი სარეგისტრაციო ტრანზაქციების წილი: ა.წ. აგვისტოში განხორციელებული სარეგისტრაციო ტრანზაქციების 80.0%-ს მეორადი, ხოლო 20.0%-ს - პირველადი სარეგისტრაციო ტრანზაქციები შეადგენდნენ (2012 წლის აგვისტოში კი - შესაბამისად 71.1% და 28.9%).
