საქართველოს ცენტრალური საარჩევნო კომისიის ყოფილი თავმჯდომარე ზურაბ ხარატიშვილი ზურაბ ხარატიშვილი პრეზიდენტობის კანდიდატად ცესკო-ში ხვალ დარეგისტრირდება.
პრეზიდენტის პოსტზე ხარატიშვილის კანდიდატურა "ეროვნულ-დემოკრატიულმა პარტიამ" და "ევროპელმა დემოკრატებმა" დღეს გამართულ პრესკონფერენციაზე ერთობლივად დაასახელეს.
როგორც ზურაბ ხარატიშვილმა დღეს გამართულ პრესკონფერენციაზე აღნიშნა, "იგი მზადაა მისი ცოდნა და გამოცდილება სამოქალაქო ურთიერთნდობის აღდგენისა და საზოგადოების კონსოლიდაციისკენ მიმართოს, რათა ეროვნული ენერგია სრულად მოხმარდეს ქვეყნის შენებასა და კეთილდღეობას".
"საპასუხისმგებლო სახელმწიფო თანამდებობაზე მუშაობამ შესაძლებლობა მომცა მიუკერძოებლად დამენახა ცუდი და კარგი მიმდინარე პოლიტიკურ ცხოვრებაში. რა არის გასაუმჯობესებელი და რაზეა სათქმელი უარი ქვეყნის განვითარებისათვის,"- განაცხადა ზურაბ ხარატიშვილმა.
ცნობისთვის, ზურაბ ხარატიშვილს საქართველოს ცენტრალური საარჩევნო კომისიის თავმჯდომარის უფლებამოსილება გუშინ ოფიციალურად შეუწყდა.
