სერგეი ლავროვის მიერ აფხაზეთში გაკეთებულ განცხადებას ჯეიმს აპატურაი გამოეხმაურა ჩრდილოატლანტიკური ალიანსის გენერალური მდივნის სპეციალური წარმომადგენელი კავკასიასა და ცენტრალურ აზიაში ჯეიმს აპატურაი რუსეთის ფედერაციის საგარეო საქმეთა მინისტრის მიერ ოკუპირებულ აფხაზეთში, ეწ. აფხაზეთის ტელერადიოკომპანიისთვის მიცემულ ინტერვიუში გაკეთებულ განცხადებას გამოეხმაურა.
აპატურაი საკუთარ აზრს სერგეი ლავროვის ინტერვიუს იმ ნაწილზე გამოთქვამს, სადაც რუსეთის საგარეო უწყების ხელმძღვანელი ამბობს, რომ "დასავლეთი აფხაზეთით და ცხინვალის რეგიონით სპეკულირებას განაგრძობს".
ჯეიმს აპატურაის თქმით, "ნათელია, რომ აფხაზეთზე და სამხრეთ ოსეთზე რუსეთის პოზიცია ჯერ-ჯერობით უცვლელი რჩება". "ჩიხი არა მხოლოდ ევროპის პატარა კუთხეში შეიქმნა. ეს არის გამაღიზიანებელი ფაქტორი მოსკოვისა და დასავლეთის ურთიერთობებში, რომელიც რუსეთის მეზობლებში დაძაბულობას იწვევს და ევროპაში ჩვეულებრივი შეიარაღების კონტროლს აფერხებს. საჭიროა საერთაშორისო სამართალზე დამყარებული კომპრომისი,".
