შემოსავლების სამსახურის ინფორმაციით, საბაჟო დეპარტამენტის გაფორმების ეკონომიკური ზონის „თბილისის" მომსახურების სამმართველოს თანამშრომლებმა 2 000 ცალი ლითონის საჭრელი ქვა შეაჩერეს, რომელიც საქართველოში რეგისტირებულ კომპანიას ჩინეთიდან შემოჰქონდა. აღნიშნული საქონელი საქართველოს ინტელექტუალური საკუთრების ეროვნული ცენტრის „საქპატენტის" მიერ დარეგისტრირებულია, როგორც „გამოსახულებითი სასაქონლო ნიშანი".
საქართველოს კანონმდებლობის შესაბამისად, შემოსავლების სამსახურის საბაჟო დეპარტამენტის თანამშრომლებმა აღნიშნული საქონელი 10 კალენდარული დღით შეაჩერეს. საქონლის შეჩერების შესახებ ინფორმაცია ეცნობა როგორც საქონლის, ასევე სასაქონლო ნიშნის მფლობელებს.
კონტრაფაქციული ლითონის საჭრელი ქვა საბაჟო დეპარტამენტმა წელს უკვე მეორედ შეაჩერა.
მასალის გამოყენების პირობები