დევნილ მოსახლეობას საქართველოს 5 რეგიონში უფასო სამედიცინო გამოკვლევები ჩაუტარდება. აღნიშნულთან დაკავშირებით დევნილთა სამინისტროსა და „ჩემი ოჯახის კლინიკას" შორის თანამშრომლობის მემონადუმს ხელი დღეს მოეწერა.
შეთანხმების მიხედვით, დევნილთა სამედიცინო გამოკვლევები აჭარაში, იმერეთში, კახეთსა და სამეგრელოში ჩატარდება. დევნილებს ქირურგები, თერაპევტები, კარდიოლოგები, ნევროლოგები, ენდოკრინოლოგები, ტრავმატოლოგები, პედიატრები და სხვა პროფილის ექიმები უსასყიდლოთ მოემსახურებიან. კლინიკამ ზუგდიდში დევნილებისთვის ერთი აქცია უკვე ჩაატარა. შემდეგი ეტაპი ბათუმში 12 აგვისტოს გაგრძელდება, სადაც დევნიებს უფასო სამედიცინო გამოკვლევები ჩაუტარდებათ.
სამინისტროს მხრიდან მემორანდუმს ხელი მინისტრის პირველმა მოადგილემ გოგი ფაცაციამ მოაწერა, კლინიკის მხრიდან კი „ჩემი ოჯახის კლინიკის" დირექტორმა ივანე ბოკერიამ.
