საგარეჯოში 10-წუთიანი ძლიერი წვიმისა და სეტყვის გამო საგანგაშო მდგომარეობაა შექმილი.
საგარეჯოს რაიონის გამგებლის მოვალეობის შემსრულებლის ცისმარ თედიაშვილის განცხადებით, დიდი ოდენობით მოსულმა ნალექმა მნიშვნელოვნად დააზარალა რამდენიმე უნაბი,თუმცა ამ დროისთვის არსებული მდგომარეობით, ყველაზე მზიმე მდგომარეობა სოფელ უდაბნოსა და ქალაქ საგარეჯოშია.
მისივე თქმით, შემთხვევის ადგილზე ამ წუთებში შესაბამისი სამსახურების თანამშრომლები მუშაობენ და სტიქიის შედეგად მიყენებული ზიანის ზუსტი სურათი დაახლოებით ნახევარ საათში დადგინდება.
"ინფორმაცია გვაქვს სოფელ უდაბნოსა და ქალაქ საგარეჯოში არსებული დაზიანებების შესახებ. უდაბნოში დაზიანებულია სავალი გზის მონაკვეთიც, თუმცა ამ ეტაპზე გადამოწმება ხდება. საგარეჯოშიც არიან შესაბამისი სამსახურები, რომლებიც დაზუსტებულ ინფორმაციას წარმოადგენენ. ნახევარ საათში დაზუსტებული ინფორმაცია გვექნება არსებული დაზიანებების შესახებ. რამდენადაც ჩემთვის ცნობილია, ერთ უბანზე საგანგაშო მდგომარეობა იყო შექმნილი, თუმცა ძლიერი სეტყვა მთლიანად ქალაქ საგარეჯოში იყო,"- განაცხადა ცისმარ თედიაშვილმა.
