ხვალ, დილის 08:00 საათიდან 10:00 საათამდე, ელექტროენერგიის მიწოდება ქვეყნის ნახევარს შეუწყდება. 2 საათის განმავლობაში ელექტროენერგია როგორც აღმოსავლეთ, ასევე დასავლეთ საქართველოს ცალკეულ რეგიონებს შეეზღუდებათ.
საქართველოს ენერგეტიკის მინისტრის მოადგილე ილია ელოშვილის ინფორმაციით, აღნიშნული შეფერხების მიზეზი ზამთრის სეზონისთვს მოსამზადებლად ქვეყნის მასშტაბით არსებულ ყველა ელექტროგადამცემ ხაზზე განსახორციელებული გეგმიური სამუშაობის ფარგლებში, ელექტროგადამცემ ხაზ "იმერეთზე" დაგეგმილი სარაბილიტაციო სამუშაოებია.
"ეს სამუშაოები ზამთარში მთელი საქართველოს მასშტაბით ელექტროენერგიის უწყვეტი და ხარისხიანი მომარაგების უზრუნველყოფის მიზნით ტარდება,"- განაცხადა ელოშვილმა.
შაბათს, 10 აგვისტოს 2 საათის განმავლობაში ელექტროენერგია მცხეთის, ქვემო ქართლის, შიდა ქართლის, სამცხე-ჯავახეთის, იმერეთის, გურჯაანის და თელავის რაიონების მოსახლეობას შეუწყდება.
ამასთან, 08:00 - 10:00 მონაკვეთში ელექტომომარაგება დედაქალაქ თბილისის ცალკეულ რაიონებს, კერძოდ, გლდანის, მუხიანის, ვარკეთილის და თემქის რაიონებს შეუწყდებათ.
