"კარდიოლოგიური დახმარება და თანამედროვე მეთოდოლოგიის დანერგვა" პროექტის ფარგლებში აჭარაში ვილნიუსიდან ექიმი-კარდიოლოგები ჩავიდნენ. სტუმრებმა აჭარაში ვიზიტი ქობულეთის რეგიონული საავადმყოფოდან დაიწყეს.
მათ მოინახულეს ქობულეთის რეგიონული საავადმყოფო, დაათვალიერეს მატერიალური
ტექნიკური ბაზა და განახლებული ინფრასტრუქტურა. შეხვედრის ფარგლებში სტუმრები გაეცნენ საქართველოში კარდიოლოგიური დახმარების პრობლემატიკას და გამოწვებს. ლიტველმა მედიკოსებმა ქართველ კოლეგებს საკუთარი ქვეყნის გამოცდილებები გაუზიარეს. გაცნობითი შეხვედრა ქობულეთის რეგიონულ საავადმყოფოში მთელი დღის განმავლობაში მიმდინარეობდა.
