საქართველოს ფინანსთა სამინისტროს წარმომადგენლობამ 2008 წლის აგვისტოს ომში დაღუპულ გმირთა ხსოვნას პატივი მიაგო
საქართველოს ფინანსთა მინისტრმა, ნოდარ ხადურმა და სამინისტროს წარმომადგენლობამ მუხათგვერდის ძმათა სასაფლაოზე 2008 წლის აგვისტოს ომში დაღუპული გმირების ხსოვნას პატივი მიაგეს და მემორიალი გვირგვინით შეამკეს.
„იმ გმირების ხსოვნის გამო, რომლებმაც სიცოცხლე თითოეული ჩვენგანისთვის ყველაზე ძვირფას ღირებულებას - სამშობლოს შესწირეს, ჩვენ ვალდებულნი ვართ თავი არ დავზოგოთ, რათა ავახდინოთ მათი ოცნება და ჩვენს აფხაზ და ოს ძმებთან ერთად ვიცხოვროთ ერთიან, ძლიერ, ლამაზ საქართველოში", - განაცხადა საქართველოს ფინანსთა მინისტრმა, ნოდარ ხადურმა