უკრაინაში საქართველოს საგანგებო და სრულუფლებიან ელჩს მიხეილ უკლებას იმედი აქვს, რომ წლის ბოლომდე საქართველო და უკრაინა ევროკავშირთან ასოცირების შესახებ ხელშეკრულებას გააფორმებენ.
ელჩის განმარტებით, საქართველოდან ევროკავშირში ექსპორტი 12 %-ითა, ხოლო ქვეყნის მშპ 4,3%-ით გაიზრდება.
„ჩვენ იმედი გვაქვს, რომ ევროკავშირთან ასოცირების ხელშეკრულებას 29 ნოემბერს, ვილნიუსში გავაფორმებთ. ჩვენ იმავდროულად ვგულშემატკივრობთ უკრაინასაც, რომელიც ევროკავშირთან ხელშეკრულებას გააფორმებს. ამით კი ერთის მხრივ, ევროკავშირთან პოლიტიკური ურთიერთობები გაძლიერდება, ხოლო მეორეს მხრივ - ეს ევროკავშირთან სრულფასოვანი ეკონომიკური ინტეგრაციაა. რას მოუტანს ეს საქართველოს? არსებობს ასეთი შეფასება, რომ ასოცირების ხელშეკრულების ძალაში შესვლის შემდეგ ევროკავშირთან ექსპორტი 12 %-ით გაიზრდება, ხოლო ევროკავშირიდან იმპორტი 7,5 %-ით მოიმატებს. შედეგად კი მოსალოდნელია, რომ მშპ 4,3 %-ით გაიზარდოს, რაც საერთო ჯამში 292 მლნ დოლარია"- აღნიშნა მიხეილ უკლებამ.
