2014 წლის აპრილამდე აჭარაში კიდევ ერთი საწარმო ამოქმედდება. სწორედ ახალი საწარმოს ამოქმედებას ითვალისწინებს, აჭარის ფინანსთა და ეკონომიკის სამინისტროს მიერ პირობებიან აუქციონზე გამოტანილი ლოტი, რომლის მიხედვითაც ქობულეთში, სოფელ ხუცუბანში მდებარე ყოფილი ჩაის კომბინატი „თეთროსანის" ნაწილი სხვისდება. მთლიანობაში საუბარია 770 კვ.მ შენობა-ნაგებობასა და მასზე მიმაგრებული 4349 კვ.მ არასასოფლო-სამეურნეო დანიშნულების მიწის ნაკვეთის გასხვისებაზე, რომლის საწყისი ღირებულებაც 200 ათასი ლარია. საპრივატიზაციო პირობების თანახმად, ობიექტის მფლობელი ვალდებული ხდება, შესაბამისი ხელშეკრულების გაფორმებიდან საკუთრებაში გადაცემულ ქონებაზე არაუმეტეს 8 თვის ვადაში საწარმო აამოქმედოს. იმავდროულად, პროექტის განხორციელებისათვის არანაკლებ 0,5 მლნ ლარის ინვესტიცია განახორციელოს და საწარმოში 10 წლის განავლობაში 30 ადამიანი დაასაქმოს.
ობიექტის გასხვისებას აჭარის ფინანსთა და ეკონომიკის სამინისტრო 16 აგვისტოსთვის ჩანიშნულ აუქციონზე გეგმავს.