საქართველოს პრეზიდენტი მიხეილ სააკაშვილი, პრემიერ-მინისტრი ბიძინა ივანიშვილი და მთავრობის წევრები აგვისტოს ომში დაღუპული სამხედრო მოსამსახურეების ხსოვნას პატივს მიაგებენ.
მიხეილ სააკაშვილი მუხათგვერდის სამხედრო სასაფლაოზე დილის საათებში საპარლამენტო უმცირესობის წარმომადგენლებთან და "ნაციონალური მოძრაობის" წევრებთან ერთად მივა.
რაც შეეხება პრემიერ-მინისტრ ბიძინა ივანიშვილს, იგი მუხათგვერდის სასაფლაოზე თავდაცვის მინისტრ ირაკლი ალასანიასთან ერთად 12:30 საათზე მივა და დაღუპულთა საფლავებს გვირგვინით შეამკობს.
დღის განმავლობაში, 2008 წლის აგვისტოს ომში დაღუპული სამხედროების სასაფლაოზე საქართველოს უმაღლესი სასკანონმდებლო ორგანოს თავმჯდომარე დავით უსუფაშვილი და მინისტრთა კაბინეტის წევრებიც მივლენ.
დღესვე, 14:00 საათზე ოკუპაციის მუზეუმში აგვიტოს ომის ამსახველი ფოტოგამოფენა მოეწყობა, რომელსაც საქართველოს თავდაცვის მინისტრი გახსნის.