ხვალ, 8 აგვისტოს, 11:00 საათზე, მუხათგვერდის ძმათა სასაფლაოზე ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ალექსი პეტრიაშვილი 2008 წლის აგვისტოს ომში დაღუპული ჯარისკაცების ხსოვნას პატივს მიაგებს და მემორიალს გვირგვინით შეამკობს.
ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის აპარატის ინფორმაციით, 14:00 საათზე ალექსი პეტრიაშვილი ოკუპაციის მუზეუმს ეწვევა, ხოლო 17:30 საათზე მინისტრი გორში 800 წვევამდელის ფიცის დადების ცერემონიას დაესწრება.