2013 წლის ბოლომდე, საქართველოსა და უკრაინის სავაჭრო ბრუნვა 1 მლრდ დოლარს გადააჭარბებს. როგორც უკრაინული სააგენტო „უნიანი" ვიცე-პრემიერ მინისტრის ალექსანდრე ვილკულის პრესსამსახურზე დაყრდნობით წერს, აღნიშნული საკითხი განიხილეს ვილკულმა და უკრაინაში საქართველოს სრულუფლებიანმა ელჩმა მიხეილ უკლებამ. როგორც შეხვედრაზე აღინიშნა იანვარ-მაისის მონაცემებით, უკრაინასა და საქართველოს შორის ტვირთბრუნვა 8 %-ითაა გაზრდილი და უკვე აჭარბებს 300 მლნ დოლარს.
„2012 წლის მონაცემებით, საქართველოსა და უკრაინას შორის თვითბრუნვამ 794 მლნ დოლარს მიაღწია. ჩვენი მთავარი მიზანია, რომ ამ მონაცემებმა 2013 წელს 1 მლრდ დოლარს მიაღწიოს"- განაცხადა ვილკულმა.
შეხვედრაზე უკლებამ და ვილკულმა ბიზნესკლიმატის გაუმჯობესებაზეც იმსჯელეს. მისივე განმარტებით, მთავრობამ ყველაფერი უნდა გააკეთოს, რომ ბიზნესის ხელშეწყობისათვის. „ამ მიმართულებით ერთობ მნიშვნელოვანია საქართველოს გამოცდილება. მე როგორც უკრაინა-საქართველოს, ეკონომიკურ საკითხებში, სამთავრობათაშორისო კომისიის ხელმძღვანელი, გავაძლიერებ მუშაობას, რათა უკრაინამ საქართველოს კარგი გამოცდილება გაიზიაროს"- აღნიშნა ვილკულმა.
