გურიაში მომხდარი სტიქიის შედეგების სალიკვიდაციოდ სპეციალური სამთავრობო კომისია შეიქმნა. მინისტრთა კაბინეტის წევრების განცხადებით, მიყენებული ზარალის ზუსტი ოდებნობა ჯერ-ჯერობით უცნობია, ტუმცა ცენტრალური ხელისუფლება დაზარალებულ მოსახლეობას შესაბამის დახმარებას აღმოუჩენს.
"როდესაც სადმე სტიქია ხდება, ნებისმიერ შემთხვევაში ჩვენი სამსახურები საქმის კურსში არიან და შესაბამის ადგილობრივი თვითმმართველობის წარმომადგენლებთან ერთად ადგილზე ეცნობიან ვითარებას. ჩვენი წარმომადგენლები ნახავენ დაზიანებების ხარისხს, ადგილობრივ მოსახლეობას შეხვდებიან და გაეცნობიან მიყენებული ზარალის სურათს. იმ შემთხვევაში, თუ ადგილობრივი რესურსები ზარალის აღმოაფხვრელად საკმარისი იქნება, მათ ჩვენი მხარდაჭერა არ დასჭირდებათ, თუ ადგილობრივი რესრურსები არ იქნება საკმარისი, ამ შემთხვევაში ცენტრალური ხელისუფლება შესაბამის ზომებს მიღიებს,"- განაცხადა საქართველოს რეგიონული განვითარების და ინფრასტრუქტურის მინისტრმა დავით ნარმანიამ.
გურიაში მომხდარი სტიქიის შედეგების სალიკვიდაციოდ შექმნილი საგანგებო კომისიის წევრის, საქართველოს ეკონომიკისა და მდგრადი განვითარების მინისტრ გიორგი კვირიკაშვილის განცხადებით, "როგორც ხდება ხოლმე, ასეთ შემხვევებში წამყვანი ადგილი რეგიონული განვითარების და ინსფრასტქრუქტურის სამინისტროს უკავია და მას შემდეგ, რაც აღნიშნული უწყება მიყენებული ზარალის ზუსტ სურათს წარმოადგენს, ეკონომიკის სამინისტრო ჩამოყალიბდება, თუ რა ნაბიჯები უნდა იქნას გადადგმული ამ მიმართულებით".
შეგახსენებთ, რომ გურიაში ორდღიანი გადაუღებელი წვიმის გამო, ქალაქ ოზურგეთის რამდენიმე ქუჩა და მიმდებარე სოფლები დაიტბორა.
განსაკუთრებით მძიმე მდგომარეობაა სოფელ ბახვსა და დვაბზუში.
დატბორილია საცხოვრებელი სახლების პირველი სართულები და დახოცილია შინაური ცხოველები და ფრინველები.
ძლიერმა ქარმა ქუთაისი-ქობულეთი-სოხუმის განშტოების 44-ე კილომეტრზე გაზსადენილი მილიც დააზიანა, რის გამოც, აჭარის რეგიონს ბუნებრივი აირი ამ დრომდე არ მიეწოდება.
ზარალის ზუსტი ოდებნობა ჯერ-ჯერობით უცნობია, თუმცა მინისტრთა კაბინეტის წევრები დაზარალებულ მოსახლეობას მიყენებული ზარალის შესაბამისი დახმარების აღმოჩენას ჰპირდებიან.
