2013 წლის ივლისში წინა თვესთან შედარებით საქართველოში ინფლაციის დონემ -1,3 პროცენტი შეადგინა. აღნიშნულ პერიოდში ინფლაციის მაჩვენებლის ფორმირებაში ძირითადი გავლენა იქონია ფასების ცვლილებამ შემდეგ ჯგუფებზე: სურსათი და უალკოჰოლო სასმელები და ჯანმრთელობის დაცვა.
სურსათი და უალკოჰოლო სასმელები: მოცემულ ჯგუფში ფასები შემცირდა 4,6 პროცენტით. შესაბამისად, ჯგუფის წვლილმა ივლისის ინფლაციაში -1,44 პროცენტული პუნქტი შეადგინა. აღნიშნულ ჯგუფში ფასები შემცირდა შემდეგ ქვეჯგუფებზე: ხილი და ყურძენი (-22,2 პროცენტი) და ბოსტნეული და ბაღჩეული (-18,9 პროცენტი).
ჯანმრთელობის დაცვა: მოცემულ ჯგუფში ფასები გაიზარდა 1,6 პროცენტით. შესაბამისად, ჯგუფის წვლილმა ივლისის ინფლაციის მთლიან მაჩვენებელში 0,14 პროცენტული პუნქტი შეადგინა. ფასების მატება დაფიქსირდა ამბულატორიული სამედიცინო მომსახურების ქვეჯგუფზე (5.0 პროცენტი).