საქართველოს პრეზიდენტი მიხეილ სააკაშვილი პარლამენტის თავმჯდომარის განცხადებას თენგიზ გუნავას შეწყალების თაობაზე პასუხობს. როგორც მიხეილ სააკაშვილმა გაერთიანებული შტაბის ყოფილ ხელმძღვანელთან გიგი კალანდაძესთან შეხვედრისას განაცხადა თენგიზ გუნავას გამოშვება საფრთხის შემცველი არა არის განსხვავებით იმ მკვლელებისა და პედოფილებისგან, რომელიც პარლამენტის გადაწყვეტილებით გარეთ გამოვიდნენ.
,,მე მოვისმინე საპარლამენტო უმრავლესობის აღშფოთებული განცხადება სამეგრელოს გუბერნატორის შეწყალებასთან დაკავშირებით. დღეს საპარლამენტო უმრავლესობის ლიდერმა მიწოდა საფრთხის წყარო, იმის გამო, რომ გუნავა შეიწყალა. ეს ის პარლამენტია, რომლის უმრავლესობამ გამოუშვა პედოფილები, მკვლელები დიდი რაოდენობით. ამდენი პედოფილიის შემთხვევა, რაც ახალა საქართველოშია არ გვქონია, მიუხედავად იმისა, ვეხვეწებოდი, რომ პედოფილები არ გამოეშვათ. ეს ის პარლამენტია, რომელმაც ჩახალიანი გამოუშვა და მარეგ დუდაევი. გუნავა, რომელმაც სამეგრელოში კრიმინალი აღმოფხვრა, რომელმაც გადაარჩინა სენაკის ბაზა განადგურებისგან, მისი გამოშვება არის მომატებული საფრთხის წყარო და ჩახალიანის, დუდაევის და პედოფილების გამოშვება არ არის საფრთხე? თუ მართლა ქვეყანაში ყველაფერი უკუღმა დადგა და არაფერს თავის სახელი აღარ უნდა ეწოდოს", _განაცხადა მიხეილ სააკაშვილმა.
შეგახსენებთ, რომ დავით უსუფაშვილის განაცხადებით, გუნავასთან დაკავშირებით მიღებული გადაწყვეტილებით სააკაშვილმა დაადასტურა, რომ მომეტებული საფრთხის წყაროა მისივე განმარტებით, მიხეილ სააკაშვილმა კიდევ ერთხელ დაადასტურა, რომ თავის უფლებამოსილებას აჭარბებს.
,,მიხეილ სააკაშვილს, კონსტიტუცია, კანონი რაღაც უფლებებს აძლებს და ის ვერასოდეს ვერ ეტეოდა თავის უფლებებში და ახლაც ამის დემონსტრირებას ახდენს. სამი თვე კიდევ უნდა ავიტანოთ მერე დალაგდება ყველაფერი", _განაცხადა უსუფაშვილმა.
სამეგრელო-ზემო სვანეთის გუბერნატორი თენგიზ გუნავა, რომელსაც სასამართლომ ოთხი წლით თავისუფლების აღკვეთა მიუსაჯა მიხეილ სააკაშვილმა შეიწყალა.
