მიმდინარე წლის პირველ აგვისტოს საქართველოს ფინანსთა მინისტრი ნოდარ ხადური დაიწყო ევროპის რეკონსტრუქციისა და განვითარების ბანკის (EBRD) კავკასიის მიმართულების დირექტორს, ბრუნო ბალვანერას (Bruno Balvanera) შეხვდრა.
საქართველოს ფინანსთა სამინისტროში გამართულ შეხვედრაზე ნოდარ ხადურმა და ბრუნო ბალვანერიმ ჩვენს ქვეყანაში ევროპის რეკონსტრუქციისა და განვითარების ბანკის დაფინანსებით მიმდინარე და დაგეგმილი პროექტების მნიშვნელობაზე ისაუბრეს.
როგორც შეხვედრაზე გადაწყდა, საქართველოს ფინანსთა სამინისტრო დეტალურად გააცნობს ევროპის რეკონსტრუქციისა და განვითარების ბანკის წარმომადგენლობას ქვეყნის განვითარების სტრატეგიული დოკუმენტის პროექტის არსს და EBRD თავისმხრივ აქტიურად ჩაერთვება დოკუმენტის საბოლოო ვარიანტის ჩამოყალიბების პროცესში.
შეხვედრის ერთ-ერთი მთავარი თემა 2015 წელს EBRD-ის მმართველთა საბჭოს ყოველწლიური შეხვედრის საქართველოში შესაძლო ჩატარება იყო.
აღსანიშნავია, რომ 2013 წლის მაისში, ქ. სტამბულში გამართულ EBRD-ის წლიურ შეხვედრაზე, სადაც 2015 წელს მმართველთა საბჭოს ყოველწლიური შეხვედრის ჩატარების ადგილს განიხილავდნენ, ერთ-ერთ კანდიდატად სწორედ საქართველო დასახელდა.
