ბრალდების მხარე საქალაქო სასამართლოს გადაწყვეტილებას თავდაცვისა და შს ყოფილ მინისტრთან ბაჩო ახალაიასთან დაკავშირებით სააპელაციო სასამართლოში გაასაჩივრებს. როგორც ჟურნალისტებთან პროკურორმა ირაკლი ნადარეიშვილმა განაცხადა, მოსამართლის გადაწყვეტილება უკანონოა.
,,ჩემი აზრით, გადაწყვეტილება სამართლიანი არ იყო. მოსამართლემ, ფაქტობრივად, უგულვებელყო 26 დაზარალებული პირებიც ჩვენებები და სხვადასხვა სახის მტკიცებულებები და გამოიტანა ის გადაწყვეტილება რის მოწმენიც გავხდით, რასაც შესაბამისად გავასაჩივრებთ", _განაცხადა ირაკლი ნადარეიშვილმა.
შეგახსენებთ, რომ თბილისის საქალაქო სასამართლომ ბაჩო ახალაია თავდაცვის მინისტრობის პერიოდზე წაყენებულ ბრალში უდანაშაულოდ სცნო და აღმკვეთი ღონისძიება პატიმრობა გააუქმა. სასამართლომ ასევე უდანაშაულოდ სცნო საქმეზე დაკავებული შვიდი პირიც.
