რუსთაველის 31-ში მდებარე ყოფილი ფოსტა-ტელეგრაფის შენობაში ,,Park Inn~-ის ბრენდის სასტუმრო განთავსდება, რისთვისაც ,,სილქ როუდ ბიზნეს ცენტრი~ კრედიტს ,,ვითიბი ბანკსგან~ მიიღებს.
როგორც ცნობილის, 23 აპრილს შპს ,,სილქ როუდ ბიზნეს ცენტრმა~ და „Rezidor Hotels APS Danmark"-მა ხელი მოაწერეს ხელშეკრულებას ,,Park Inn~-ის რეზიდორ ჯგუფისთვის მართვაში გადაცემის შესახებ.
პროექტის ღირებულება დაახლოებით 22 მილიონ აშშ დოლარს შეადგენს. ამ თანხის მოზიდვა პროექტის მფლობელმა შპს ,,სილქ როუდ ბიზნეს ცენტრმა~ ,,სილქ როუდ ჯგუფის~ ორგანიზებით „ვითიბი ბანკის" მეშვეობით განახორციელა. სასტუმროში დაახლოებით 200 ნომერი, რესტორანი, ლობი-ბარი, სპორტული დარბაზი და საუნა განთავსდება. აგრეთვე გათვალისწინებულია საკონფერენციო სივრცეები და ბიზნეს ლაუნჯი.
ამჟამად მიმდინარეობს დაპროექტებაზე და დიზაინზე მუშაობა; პირველადი სამშენებლო სამუშაობის დაწყება იგეგმება 2013 წლის სექტემბერში. ფოსტის შენობის იერსახე მაქსიმალურად იქნება შენარჩუნებული. პროექტი შეთანხმებულია ფოსტის შენობის ორიგინალური პროექტის ერთ-ერთ ავტორთან თეიმურაზ მიქაშავიძესთან, რომელიც ასევე დაეწრება ხელისმოწერის ცერემონიალს.
წინასწარი გეგმებით სასტუმრო პირველ სტუმრებს 2015 წლის მესამე კვარტლიდან მიიღებს. ,,Park Inn~-ს ძირითადი უპირატესობა არის მისი საუკეთესო ლოკაცია და ამავე დროს ხელმისაწვდომი ფასები. ,,Park Inn~-ის სასტუმროს პროექტში დაახლოებით 500-მდე ადამიანი დაასაქმდება.