ეგვიპტის გადაყენებული პრეზიდენტი მოჰამმედ მურსი „კარგ პირობებში იმყოფება", თუმცა მისი ადგილმდებარეობა უცნობია. განაცხადა ევროკავშირის უმაღლესმა კომისარმა საგარეო ურთიერთობათა საქმეებში ქეტრინ ეშტონმა კაიროში დაპატიმრებულ ექს-პრეზიდენტთან შეხვედრის შემდეგ.
ეშტონი მურსის ორშაბათს საღამოს შეხვდა. შეხვედრა ორ საათს გრძელდებოდა. ბატონესას თქმით, მათ საკითხთან ფართო სპექტრი მიმოიხილეს. თუმცა ეშტონმა ამ საუბრის დეტალების გამხელისგან თავი შეიკავა. „არ მინდა მისი სახელით ვისაუბრო", _ განაცხადა ეშტონმა.
მისივე თქმით, ექს-პრეზიდენტს აქვს უფლება უყუროს ტელევიზორს და იკითხოს გაზეთები. ის ასევე თვალყურს ადევნებს ქვეყანაში მოვლენების განვითარებას.
ბოლო 12 დღის განმავლობაში ეს ეშტონის რიგით მეორე ვიზიტია ეგვიპტეში. ამ დროის განმავლობაში მურსის 70 ზე მეტი მომხრეა დაღუპული უსაფრთხოების ძალებთან შეტაკებაში.
მურსის მომხრეები კვლავ აქციებისათვის ემზადებიან. დროებითმა მთავრობამ უკვე გააკეთა განცხადება, რომ კანონდამრღვევებს მკაცრად გაუსწორდებიან.
ეშტონი ასევე შეხვდა ეგვიტის შეიარაღებული ძალების სარდალს და დროებითი მთავრობის მინისტრებს.
„ბი-ბი-სი"- სათვის მიცემულ ინტერვიუში ეშტონი ჰყვება, რომ სამხედრო ობიექტამდე ის მთელი ღამის განმავლობაში მიდიოდა. გზის ნაწილი მან ვერტმფრენით დაფარა, ნაწილი კი ტრანსპორტის სხვა დასხვა სახეობებით.
მისივე თქმიღ მურსი ჯანმრთელობას არ უჩივის და კარგ ხასიათზეა.
„ჩვენს შეხვედრამდე ნახევაი საათით ადრე მას უთხრეს, რომ მე მივდიოდი. ვფიქრობ, მას ჩემი დანახვა გაუხარდა. მასტან ერთად ორი მრჩეველია. ისინი იქ ერთად არიან. ეს სამხედრო ობიექტია. მურსის კარგად უვლიან", _ განაცხადა ეშტონმა.