პირველი აგვისტოდან დევნილების ხელახალი რეგისტრაცია იწყება. ამის შესახებ ჟურნალისტებთან მთავრობის სხდომის დაწყებამდე დევნილთა და განსახლების მინისტრმა დავით დარახველიძემ განაცხადა.
მინისტრის განმარტებით, მთლიანობაში 12 კომისია იმუშავებს, რომელიც 4 რეგიონში დევნილებს აღრიცხავს.
,,რეგისტაცია იწყება 4 რეგიონში, აქედან ყველაზე დიდია ზუგდიდი, სადაც ხუთი კომისია იმუშავებს. რეგისტრაციას ხუთი თვის მანძილზე განხორციელდება, რომელსაც სულ 12 კომისია განახორციელებს. თითოეული კომისია შედგება ათი წევრისგან, ასევე არის ოთხი პატარა კომისია, რომელიც შედგება ხუთი წევრისგან", _განაცხადა დარახველიძემ.
მისი განმარტებით, უკვე გაწერილია გრაფიკი თუ რა ვადებში უნდა განხორციელდეს რეგისტრაცია. როგორც დარახველიძემ განმარტა რეგისტრაციის პროცესი დეკემბერში დასრულდება და ამ დროისთვის გახდება ცნობილი რამდენი დევნილია ქვეყანაში და როგორია მათი სოციალურ-ეკონომიკური მდგომარეობა.
