რომის პაპმა ფრანცისკემ განაცხადა, რომ გეები საზოგადოებაში უნდა იყვნენ ინტეგრირებულნი. მისივე აზრით, ჰომოსექსუალური ორიენტაციის სასულიერო პირები ნაპატიებნი უნდა იყვნენ, ხოლო მათი ცოდვები - დავიწყებული. ინფორმაციას ამის შესახებ „ბი-ბი-სი" ავრცელებს.
„თუ ვინმე არის გეი, მაგრამ უფალს ეძებს და მას კეთილი განზრახვები აქვს, ვინ ვარ მე რომ ის განვსაჯო?",_ განაცხადა რომის პაპმა პრესკონფერენციაზე.
ამასთან ერთად, მან დააზუსტა, რომ საეკლესიო კანონების მიხედვით ორიენტაცია ცოდვა არ არის, ჰომოსექსუალური კონტაქტებისგან განსხვავებით.
აღსანიშნავია, რომ მისი წინამორბედი რომის პაპი ბენედიქტე XVI არაერთგზის გამოსულა ჰომოსექსუალი სასულიერო პირების წინააღმდეგ.
ფრანცისკემ ასევე განაცხადა, რომ მას სურს გაზარდოს ქალების მონაწილეობა საეკლესიო საქმეეებში, თუმცა აღნიშნა, რომ მათ მღვდლებად კურთხევაზე აკრძალვა უნდა შენარჩუნდეს.