27 ივლისს, 20:00 საათზე, „შოთა რუსთაველის სახელობის სახელმწიფო დრამატულ თეატრში" 2013 წლის "PORSCHE Panamera 4S Executive"-ის უახლესი მოდელის პრეზენტაცია გაიმართება.
ღონისძიებას დაესწრებიან სპეციალურად მოწვეული სტუმრები: სამთავრობო და არასამთავრობო სექტორის, საერთაშორისო ორგანიზაციების წარმომადგენლები, დიპლომატიური კორპუსი, წამყვანი ბიზნეს კომპანიების პირველი პირები, საზოგადოებისთვის ცნობილი ადამიანები და სხვა საპატიო სტუმრები.
PORSCHE დღესდღეობით ყველაზე წარმატებული საავტომობილო ბრენდია, რომლის ავტომობილებიც, ნახევარ საუკუნეზე მეტია წარმოადგენს ავტოინდუსტრიის უმაღლესი ხარისხის სტანდარტებს.
PORSCHE-ს ავტომობილი უნდა იყოს: სწრაფი, მანევრული, ძლიერი, პრემიუმ კლასის და ელეგანტური. ფორმა გამომდინარეობს ფუნქციიდან - PORSCHE-ს თითოეული ავტომობილი ამ პრინციპის განხორციელებაა. ყველაზე მცირე დეტალებიც კი შექმნილია მკაფიოდ და გონივრული გადაწყვეტილებებით.
დასაწყისში, იდეა აღქმული იყო სკეპტიკურად. სპორტული ავტომობილი ოთხისთვის და კომფორტული მოგზაურობისთვის? დიდი სივრცე ბარგისთვის კომპრომისების გარეშე? არავის სჯეროდა, რომ ეს შესაძლებელი იქნებოდა. დღეს კი ყველამ იცის, რომ PORSCHE Panamera-მ ახალი სიცოცხლე შესძინა საავტომობილო პრემიუმ კლასს და დაადუმა სკეპტიკოსები. შედეგი კი, ახალი Panamera-ს მოდელებია. PORSCHE-მ გააერთიანა ყველა წინაღობა და უფრო დინამიური, უფრო ეკონომიური, უფრო მკვეთრი და მძლავრი დიზაინის მქონე ავტომობილი და უმაღლესი დონის კომფორტი შექმნა. მხოლოდ ასე შეიძლება შეიქმნას სრულყოფილი ავტომობილი და სწორედ ამიტომ - PORSCHE-ს თითოეული ავტომობილი ხდება უმაღლესი სტანდარტი, რომელსაც უტოლდება ყველა სხვა დანარჩენი.
„პორშე ცენტრი თბილისი" ქართველ ავტომფლობელებს Porsche-ს უახლესი სამოდელო რიგის მთელ სპექტრს სთავაზობს. Porsche-ს ოფიციალური იმპორტიორი საქართველოში, შპს „თეგეტა პრემიუმ ვიიქელს" დაარსდა 2010 წელს და შედის „თეგეტა მოტორსის" კომპანიათა ჯგუფში.