დავით ზურაბიშვილი განათლების მინისტრის მოადგილე აღარ იქნება. როგორც მთავრობის სხდომის დასრულების შემდეგ განათლებისა და მეცნიერების მინისტრმა თამარ სანიკიძემ განაცხადა ის გეგმავს, რომ ზურაბიშვილს მისი მრჩევლის თანამდებობა შესთავაზოს.
"დავით ზურაბიშვილს მოადგილის რანგში არ განვიხილავ, თუმცა ვფიქრობ, რომ მისი პოლიტიკური გამოცდილება გასაზიარებელია და მას ჩემი მრჩევლის პოზიციას შევთავაზებ", - განაცხადა სანიკიძემ.
სანიკიძის განმარტებით მას ოთხი მოადგილე ეყოლება. როგორც განათლების მინისტრმა განაცხადა მან მთავრობის დღევანდელ სხდომაზე მოადგილეების დანიშვნასთან დაკავშირებით სრული თავისუფლება ითხოვა.
