კონგრესმენმა ტერნერმა გაავრცელა განცხადება, რომელიც მაია ფანჯიკიძის სიცრუეში მხილების ტოლფასია, - განაცხადა საპარლამენტო უმცირესობის წარმომადგენელმა გიორგი კანდელაკმა განაცხადა. მისი თქმით, გასულ კვირას ამერიკის შეერთებული შტატების კონგრსის წევრ და ნატოს საპარლამენტო ანსამბლეაში აშშ-ს დელეგაციის თავმჯდომარე მაიკლ ტერნერთან შეხვედრის შემდეგ, საგარეო საქმეთა მინისტრმა მაია ფანჯიკიძემ და თინა ხიდაშელმა განაცხადეს რომ აშშ კონგრესის კრიტიკა იყო (კონგრესმენი ტერნერი იყო სწორედ ამასწინანდელი ცნობილი კრიტიკული შესწორების ავტორი) არასრულყოფილი კომუნიკაციის ბრალი და რომ ამ შეხვედრის შემდეგ ბიძინა ივანიშვილის მთავრობის საქმიანობის კრიტიკას აღარ უნდა ველოდოთ. კანდელაკი აცხადებს, რომ, სასურველის რეალურად წარმოჩინება და საზოგადოებისთვის მცდარი ინფორმაციის განზრახ მიწოდება სხვადასხვა სფეროებში ქართული ოცნების ხელწერად დიდი ხანია იქცა.
"ქართული ოცნების ლიდერები და მთავრობის წევრები რამდენჯერმე იქნენ მხილებული დემოკრატიული სამყაროს მხრიდან საქართველოში მიმდინარე დემოკრატიის უკუსვლის თითქოსდა მხარდაჭერის შეთხზვის გამო", - აცხადებს კანდელაკი და ამის არგუმენტად
კონგრესმენ ტერნერის მიერ გავრცელებული სპეციალური განცხადება მოჰყავს, რომელიც მისი თქმით, საქართველოს საგარეო საქმეთა მინისტრის სიცრუეში მხილების ტოლფასია.
„წარმომადგენელთა პალატამ ჩემი შესწორება მიიღო, რათა გამოეხატა საერთო შეშფოთება იმით, რომ პოლიტიკურ სიტუაციას საქართველოში დაღი დაასვა ბრალდებებმა დევნის, შევიწროებისა და ძალადობის შესახებ. საქართველოს ბევრი მოკავშირე ჰყავს კონგრესში. ისინი მოელიან, რომ საქართველოს ახალი ხელისუფლება შეძლებს ქვეყანა დემოკრატიულად მართოს, რომ საქართველო იყოს ძლიერი დემოკრატია. დევნის, შევიწროების და ძალადობის ინციდენტები ძალიან შემაშფოთებელია. დემოკრატიულ ინსტიტუტებს ისეთი ღირსებით და პატივისცემით უნდა მოპყრობა, როგორც ქართველი და ამერიკელი ხალხები მოელიან. სწორედ ეს მკაფიო გზავნილი გავუზიარე საქართველოს დელეგაციას, რომელსაც საქართველოს საგარეო საქმეთა მინისტრი, მაია ფანჯიკიძე ხელმძღვანელობდა", - ნათქვამია განცხადებაში. (წყარო კონგრესმენ მაიკლ ტერნერის ოფიციალური გვერდი http://turner.house.gov/news/documentsingle.aspx?DocumentID=343801)
ერთიანი ნაციონალური მოძრაობა მოუწოდებს საგარეო საქმეთა მინისტრსა და მმართველი გუნდის სხვა ლიდერებს ნუ შეიყვანენ საზოგადოებას შეცდომაში და საგარეო პოლიტიკურ ასპარეზზე ანტიდემოკრატიული ტენდენციების გამართლების ნაცვლად მეტი დრო და ენერგია დაუთმონ საქართველოს სახელმწიფო ინტერესების დაცვას.
