,,თეთრების" ლიდერი თემურ შაშიაშვილი მიიჩნევს, რომ საქართველოს პოლიტიკურ სისტემაში აუცილებელია რეფორმის ჩატარება, რადგან ქვეყანაში შექმნილი უმძიმესი მდგოამრეობა გაბატონებულმა მანკიერმა პოლიტიკურმა სისტემამ წარმოშვა. მას მიაჩნია, რომ მსგავსი ვითარება ხელს უწყობს ძლიერი პოლიტიკოსების დაკნინებასა და სუსტების წარმოჩენას.
თემურ შაშიაშვილი მიიჩნევს, რომ საქართველოს ხელისუფლებაში მრავლად არიან გარედან მართული პოლიტიკოსები. მისი თქმით, ასეთი პოლიტიკოსების კურსი აგრესიული და დემაგოგიურია. ,,ვერცერთი ქვეყანა ვერ გაუძებდა ასეთ აგრესიულ და დემაგოგიურ პოლიტიკურ პროცესებსა და პოლიტიკოსებს,'' - აცხადებს თეიმურაზ შაშიაშვილი.
შაშიაშვილი ქვეყნაში გაწონასწორებული პოლიტიკის დამკვიდრებისათვის გამოსავალს ისეთი ცენტრის შექმნაში ხედავს, რომელიც პოლიტიკურ პარტიათა საქმიანობის შეფასებებს გააკეთებს. თუმცა, აცხადებს, რომ აღნიშნულ ინიციატივას ბევრი მოწინააღმდეგე ეყოლება.
,,მე კარგად მესმის ჩემი განცხადების სიმძიმე, ვიცი, რომ მას პოლიტიკოსთა არც ერთ წრეში არ ექნება მხარდაჭერა, თუმცა მე მაქვს იმედი, ხალხი და მომავალი შეაფასებს ამ წიგნის არსებობის აუცილებლობას. მე კი ვფიქრობ, რომ უაღრესად მტკივნეულ, უმთავრეს და უპირვლეს თემას შევეხე, - განაცხადა პარტია ,,თეთრების" ლიდერმა.
