საბერძნეთში, აუქციონზე ეგეოსის ზღვაში მდებარე კერძო კუნძული იყიდება. ლოტის საწყისი ღირებულება 10 მლნ ევროა. კუნძულის მფლობელებმა ობიექტის გასხვისება ქვეყანაში უძრავ ქონებაზე გადასახადების გაზრდის გამო გადაწყვიტა. ვაჭრობა სექტემბერში შედგება და შესაბამისად სექტემბერში გაირკვევა კუნძულის ახალი მფლობელის ვინაობაც. თუმცა უნდა აღინიშნოს, რომ 20 აგვისტომდე კუნძულის ყიდვა, აუქციონის გარეშეცაა შესაძლებელი, თუ კი ინვესტორსა და მფლობელს შორის შეთანხმება იქნება მიღწეული. გავრცელებული ინფორმაციით, კუნძულის შეძენით უცხოელი ინვესტორები უკვე დაინტერესებულნი არიან.
უკაცრიელი კუნძული სპალატრონისი ჰალდიკის ტურისტული ზონიდან 500 მეტრში მდებარეობს. კუნძულის საერთო ფართობი კი 10,4 ჰექტარია.
