ესპანეთში სარკინიგზო მაგისტრალზე მომხდარი კატასტროფის შედეგად დაღუპულთა რაოდენობა 77-მდე გაიზარდა.
ახალი მონაცემები დაღუპულთა რაოდენობის შესახებ გალისიას პროვინცის უმაღლესი სასამართლოს ოფიციალურმა წარმომადგენელმა გამოაქვეყნა.
მისი თქმით, 73 ადამიანი უშუალოდ შემთხვევის ადგილზე დაიღუპა, ოთხი კი სავადმყოფოში გარდაიცვალა.
დაშავებულთა რაოდენობა ჯერაც ზუსტდება, თუმცა მათი რაოდენობა 150-ს აღემატება.
ადგილობრივი მოსახლეობა დაშავებულთა დასახმარებლად სისხლს აბარებს.
ქვეყნის ხელისუფლებამ მომხდართან დაკავშირებით მინისტრთა კაბინეტის სხდომა გამართა.
ავარის მიზეზები ზუსტდება.
შეგახსენებთ, რომ ქალაქ სანტიაგო-დე-კომპოსტელასთან სარკინიგზო ხაზიდან სამგზავრო შემადგენლობის 13 ვაგონი გადავარდა. მატარებელი მადრიდიდან ფეროლში მიემართებოდა. ეს ესპანეთის ისტორიაში ბოლო 40 წლის განმავლობაში ყველაზე სერიოზული სარკინიგზო კატასტროფააა.
