ახალი Toyota Corolla - „ლეგენდარული სედანი" უკვე საქართველოშია. აღნიშნულ სიახლესთან დაკავშირებით, "ტოიოტა კავკასია"-კავკასიისა და შუა აზიის ოფიციალური დისტრიბუტორი საქართველოში , 25 ივლისს პრესკონფერენციას და პრეზენტაციას სასტუმრო "რადისონში", 19:00 საათზე გამართავს.
კომპანიის ინფორმაციით, „ტოიოტა" კოროლას პირველი თაობა 47 წლის წინ შეიქმნა და მას შემდეგ ყველაზე გაყიდვადი ავტომობილია - დღევანდელი მონაცემებით, 40 მილიონი Toyota Corolla-ა უკვე გაყიდულია. ახალი კოროლა - მეთერთმეტე თაობა, მსოფლიოს 150-ზე მეტ ქვეყანაში გაიყიდება, მათ შორის ერთ-ერთი საქართველოშიც.
კომპანიის მთავარი ინჟინერი მიიჩნევს, რომ ამ მოდელში გათვალისწინებულია ყველა მყიდველის სურვილი და ყველა ის მახასიათებელი, რომელიც ლეგენდალური ავტომობილის შესაქმნელადაა საჭირო - დიზაინი, კომფორტი, ეკონომიურობა, უსაფრთხოება და გაუმჯობესებული ფუნქციები.
„თითოეული თაობისთვის კოროლა ითვისებდა ახალ ტექნოლოგიებს და ინარჩუნებდა ლიდერის პოზიციას საავტომობილო ინდუსტრიაში არა მხოლოდ იაპონიაში, არამედ მთელ მსოფლიოში"- განმარტავენ კომპანიაში.
ღონისძიების ფარგლებში, 26 ივლისს ჟურნალისტებისთვის რუსთავში ტესტ დრაივი გაიმართება, სადაც მათ შეეძლებათ თავად გახდნენ ლეგენდარული სედანის მძღოლები და პირადად გაეცნონ მის მახასიათებლებს.
