17 მაისის მოვლენებთან დაკავშირებული ბრალდებულების, მათ შორის სასულიერო პირების საქმის განხილვა პირველი აგვისტოსთვის გადაიდო. დღევანდელ პროცესზე, როგორც მოსამართლემ ასევე დაცის მხარემ აღნიშნა, რომ საკმარისო დრო არ იყო დაცვის მხარეს სრულყოფილად წარმოედგინა მტკიცებულებები.
დღევანდელ წინასასამართლო სხდომაზე ბრალდების მხარემ წარადგინა მტკიცებულებები, რომელთა დაუშვებლად ცნობა დაცვის მხარემ მოითხოვა. ამასთან, დაცვის მხარის ადვოკატებმა ორი სასულიერო პირის - თამაზ ბიჩინაშვილისა და ირაკლი ბასილაიას ბრალის დადგენილების დაუშვებლად ცნობა მოითხოვეს. აღნიშნულ შუამდგომლობებზე გადაწყვეტილებას მოსამართლე შემდგომ პროცესზე გამოიტანს.
როგორც სასამართლო პროცესიის დასრულების შემდეგ ერთ-ერთმა ბრალდებულა თამაზ ბიჩინაშვილმა (მამა ანთიმოზმა) განაცხადა ,, მალე უცხოელი უფლებადამცველები, რომლებიც ჩვენს უფლებადამცველებს აფინანსებენ, მოგვთხოვენ, რომ 17 მაისს რაც მოხდა, ამის გამო, თავისუფლების მოედანზე წმინდა გიორგისა და ურჩხულის ძეგლზე, ურჩხულის უფლებები დავიცვათ".
,,ისინი მალე იტყვიან, რომ წმინდა გიორგი აგრესიულია და მოძალადე, აქედან გამომდინარე, დავიცვათ ურჩხულის უფლებები - ეს ხუმრობთ. მე დავსვი შეკითხვა - დაირღვა თუ არა 17 მაისს ჩემი უფლებები, ამაზე პასუხი არც საიას და არც მაიას და არც თინიკოს და არც ნატოს გაუცია. ვსვამ მეორე შეკითხვას, სიმბოლურად, რას ნიშნავს ურჩხული თავისუფლების მოედანზე? აღნიშნულ შეკითხვას ყველას მისამართით ვსვამ", - განაცხადა სასამართლო ანთიმოზ ბიჩინაშვილმა.
