,,პროკურატურის მიერ გამოქვეყნებული მასალა იმ პროცესის ნაწილია, რომელიც ჩემს წინააღმდეგ მიმდინარეობდა", _განაცხადა ჟურნალისტებთან პროკურატურის დატოვების შემდეგ მამუკა ივანიაძემ.
მისივე განმარტებით, პროკურატურის მიერ გამოქვეყნებული ვიდეომასალა მისი ნების საწინააღმდეგოდ არის ჩაწერილი.
"ეს ვიდეომასალა იმ პროცესის ნაწილია, რომელიც მიმდინარეობდა ჩემს წინააღმდეგ. ეს ვიდეო არის 16 ივნისიდან 25 ივნისამდე პერიოდში ციხეში გადაღებული. არ ვიცოდი, რომ მიღებდნენ, თუმცა ოთახში კამერა იდგა", - განაცხადა ივანიაძემ.
შეგახსენებთ, რომ პროკურატურამ მამუკა ივანიაძის ბრალდების საპასუხოდ, რომ მასზე ხორცილდებოდა ზეწოლა, საპასუხო განცხადება და ვიდეო მასალა გაავრცელა, სადაც აღნიშნულია, რომ ,,უდავოდ დადასტურებულია, რომ ტრაქტორების შესყიდვის საქმეზე ივანიაძის მიერ გამოძიებისათვის ჩვენება მიცემულია საკუთარი ნების თავისუფალი გამოვლენის პირობებში, დამოუკიდებლად, უშუალოდ მისი სურვილით, ყოველგვარი კანონსაწინააღმდეგო ზეგავლენის გარეშე და, მასში ასახული ყველა ფაქტობრივი გარემოება შეესაბამება სიმართლეს".
