სრულიად საქართველოს კათოლიკოს-პატრიარქი უწმინდესი და უნეტარესი ილია მეორე რუსეთში გაემგზავრა. როგორც უწმინდესმა თბილისის საერთაშორისო აეროპორტში ბრძანა ვიზიტის ფარგლებში იგი შეხვდება რუსეთის, ბელარუსიისა და უკრაინის სასულიერო პირებსა და პრეზიდენტებს.
"ჩვენ მივემგზავრებით მოსკოვში, კიევსა და მინსკში. რუსეთის ეკლესია აღნიშნავს გაქრისტიანების 1025 წელს. ჩვენ შეხვედრები გვექნება რუსეთის პატრიარქ კირილთან და სხვა მღვდელმთავრებთან, ასევე შეხვედრა გვექნება პრეზიდენტებთან, იმედია, რომ კარგი შედეგებით დავბრუნდებით", - განაცხადა აეროპორტში სრულიად საქართველოს კათოლიკოს-პატრიარქმა.
